انوارالحق کاکر، نخست‌وزیر موقت پاکستان می‌گوید که ورود کالاهای قاچاق و غیرقانونی از افغانستان به پاکستان به اقتصاد این کشور آسیب وارد کرده است.
کاکر این اظهارات را روز دوشنبه، ۱۱ جدی، در نشست کابینه حکومت پاکستان مطرح کرده است.
دفتر مطبوعاتی انوارالحق کاکر به نقل او نوشته است که به هدف جلوگیری از قاچاق باید سیستم نظارت بر موترهای باربری در مرزهای تورخم، چمن، غلام‌خان و مرزهای دیگر پاکستان تقویت شود.
انوارالحق کاکر دستور داده است تا مقام‌های این کشور افرادی که در قاچاق کالای‌های تجارتی نقش دارند را شناسایی و به کیفر برسانند.
نخست‌وزیر حکومت موقت پاکستان همچنان به تقویت موافقت‌نامه تجارت ترانزیتی افغانستان (ATTA) تاکید کرده است.
